வெட்டுவதுதான் தீர்வென்று நீங்கள் முடிவு செய்துவிட்டால்...
வாழ்வதற்கே வழியில்லை,
என்ன மயிருக்கு இந்த உயிரு..., வெட்டிப்பார்த்துக்கொள்ளலாம்!
"சின்னதுரை போல் படிங்கடான்னு" டீச்சர் சொன்னா
உங்க பெருமையெல்லாம்
வெறுமையா போச்சு வெட்டுறீங்க...
மனுச மூளைக்கு
மாறுங்கடான்னா,
வறுமை மூளைக்காரர்களாகவே வாழ்க்கையெல்லாம் அலையுறீங்க...
ஒரே வெட்டுல ஆட்டைத் துண்டுபோடும்
அய்யனார் சாமியா
சின்னத்துரைகள் மாறினால்
உங்க வெறிகொண்ட தலையெல்லாம் வீதியில் கிடக்கும்.
நாங்கள் காப்பாற்றிக்கொள்ள எங்களிடம் உசுரைத்தவிர ஒன்னுமில்லை...
வெட்டுவதுதான் தீர்வென்று நீங்கள் முடிவுசெய்துவிட்டால்
வாருங்கள்...,
உங்களிடத்தில்
சாய்க்கவேண்டியது நிறைய இருக்கிறது!?
எஸ்.கவிவர்மன்
No comments:
Post a Comment