கீழ்வெண்மணி

1968 டிசம்பர் 25

🔥கீழ்வெண்மணி துயர வரலாறு.

                                     -எஸ்.கவிவர்மன்

அரைப்படி நெல்மணி அதிகம் கேட்டதால் 44 பேரை உயிரோடு எரித்த ஆதிக்கவர்க்கம்.

'தனக்கு அடிமையாக இருந்தவர்கள் தன்னை எதிர்ப்பதா?' என்று ஆத்திரம் கொண்ட பண்ணையார் கோபாலகிருஷ்ணன் என்பவன், தனது அடியாட்களுடன் பெட்ரோல் கேன்கள், நாட்டுத் துப்பாக்கி சகிதம் வந்திறங்கினான். அவர்களுக்கு போலீசாரும் துணை நின்றனர். அவர்கள் முன்னிலையில் அந்த கொடிய சம்பவத்தை அரங்கேற்றினர். காட்டில் மிருகம் வேட்டையாடப்படுவது போல் கண்ணுக்கு கிடைப்பவர்கள் எல்லாம் சுடப்பட்டனர்.

இப்படி சுடப்பட்டவர்கள் கிட்டத்தட்ட 10 பேருக்கு மேல் இருப்பார்கள். இதனைக்கண்டு பயந்து நாலா மூலைக்கும் சிதறி ஓடி, வாய்க்கால் வரப்புகளில் ஒடி ஒளிந்துகொண்டனர் தொழிலாளர்கள். அனைத்து குடிசைகளும் எரிக்கப்பட்டன. நிராயுதபாணியாக நிற்கும் அப்பாவி பெண்கள், வயதானவர்கள், குழந்தைகள் உயிரைக் காத்துக்கொள்ள தெரு மூலையில் உள்ள ராமையா என்பவரின் சிறிய கூரைவீட்டில் ஓடி ஒளிந்தனர். வெறிபிடித்து அலைந்தவர்கள் அந்த வீட்டை கண்டுபிடித்து வீட்டை வெளியே தாழிட்டு பெட்ரோலை ஊற்றி எரிக்கின்றனர்.

பூட்டிய வீட்டுக்குள் பெரும் அலறல் சத்தம் எழுந்தது. 'ஐயோ, அம்மா ஆ...ஆ....எரியுதே!' என்ற சத்தம் மட்டும் திரும்ப திரும்ப கேட்கிறது. தான் பிழைக்காவிட்டாலும் தன் குழந்தையாவது பிழைக்கட்டும் என்று ஒரு பெண் தன் குழந்தையை தூக்கி எறிகிறார். கொடூரர்கள் குழந்தை என்றும் பாராமல் வெட்டி வீழ்த்தி தீயில் எரித்தனர். வெளிய வர முயற்சித்தவர்களை மறுபடியும் உள்ளே தள்ளினர்.

வெளியில் நின்று அழுத மூன்று பிஞ்சுக் குழந்தைகளையும் தீயின் உள்ளே தள்ளினர். தீயின் கோர நாக்குகளுக்கு சற்று நேரத்தில் 20 பெண்கள், 19 குழந்தைகள், 6 ஆண்கள்  என 44 உயிர்கள் தீக்கிரையானது. ஒரு பெண் தனது மகளையும் சேர்த்து கெட்டியாக அணைத்துக் கொண்டு கருகியிருந்தார்.

இன்னும் எத்தனை ஆண்டுகள் ஆனாலும்... கீழ்வெண்மணி தியாகிகள் போராடும் அனைவருக்கும் உரமாக இருப்பார்கள்.

 *தியாகிகளைப் போற்றுவோம்...*

*நிலப்பிரபுக்களால் ராமையாவின் குடிசைக்குள் வைத்து எரித்துக் கொள்ளப்பட்டவர்களின் (44) பெயரும் வயதும்.* 

1.தாமோதரன் (1)

2.ஆசைத்தம்பி (10)

3.ராஞ்சியம்மாள் (16)

4.பாப்பா (35)

5.குணசேகரன் (1)

6.ஜெயம் (10)

7.ஆண்டாள் (20)

8.ரத்தினம் (35)

9.செல்வி (3)

10.ஜோதி (10) 11.கனகம்மாள் (25)

12.கருப்பாயி (35)

13. வாசுகி (3)

14.நடராஜன் (10)

15.மாதாம்பாள் (25)

16.முருகன் (40)

17.ராணி (4)

18.வேதவள்ளி (10)

19.வீரம்மாள் (25)

20.சீனிவாசன் (40)

21. நடராஜன் (5)

22.கருணாநிதி (12)

23.அஞ்சலை (45)

24.தங்கையன் (5)

25.சந்திரா (12)

26.சின்னப்பிள்ளை (28)

27.சுந்தரம் (45)

28.வாசுகி (5)

29.சரோஜா (12)

30.ஆச்சியம்மாள் (30)

31.பட்டு (46)

32.ஜெயம் (6)

33.சண்முகம் (13)

34.குஞ்சம்பாள் (35)

35.கருப்பாயி (50)

36.நடராஜன் (6)

37.குருசாமி (15)

38.குப்பம்மாள் (35)

39.காவேரி (50)

40.ராஜேந்திரன் (7)

41.பூமயில் (16)

42.பாக்கியம் (35)

43.சுப்பன் (70)

44.சேது (26)

 வீரவணக்கம்

🔥🔥🔥🔥🔥🔥🔥🔥